తమిళ స్టార్ హీరో సూప‌ర్‌స్టార్ రజినీకాంత్ జైలర్ సినిమా భారీ విజయాన్ని సొంతం చేసుకున్న సంగతి తెలిసిందే. ఇక ప్రస్తుతం ఆయన వరుస సినిమాలతో ఫుల్ బిజీగా ఉన్నాడు. రజినీకంత్ హీరోగా రానున్న చిత్రం వేట్టయన్- ద హంట‌ర్‌ . టీ జే జ్ఞానవేల్ ప్రతిష్టాత్మికంగా ఈ ఈ పాన్‌ ఇండియా సినిమాని రూపొందిస్తున్నారు. ప్ర‌ముఖ నిర్మాణ సంస్థ లైకా ప్రొడ‌క్ష‌న్స్ బ్యాన‌ర్‌పై రూపొందుతోన్న భారీ బ‌డ్జెట్ చిత్రం ఇది. లైకా ప్రొడక్షన్ కలయికతో రజినీ కాంత్ నాలుగవ సినిమా కావడం విశేషం. ఈ సినిమాను దసరా కానుకగా వరల్డ్ వైడ్ గా అక్టోబ‌ర్ 10న గ్రాండ్ గా రిలీజ్ చేయడానికి సన్నాహాలు జరుపుతున్నారు మూవీ మేకర్స్. తాజాగా వేట్టయన్ ట్రైలర్ ను విడుదల చేశారు మూవీ మేకర్స్. మరి ఈ ట్రైలర్ ఎలా ఉందో చూసేద్దాం రండి..
ప్రస్తుత కాలంలో దేశంలో మహిళలపై అఘాయిత్యాలు రోజురోజుకూ పెరుగుతున్నాయి. కానీ అధికారుల అండతో అసలు నిందితులు తప్పించుకుని దర్జాగా తిరుగుతున్నారు. వారందనీ కఠినంగా శిక్షించాలి లేదా ఎన్కౌంటర్ చేయాలని జనాలు కోరుకుంటున్నారు. సరిగ్గా అలంటి కథే తీసుకొని ‘వేట్టయన్- ద హంట‌ర్‌’ సినిమాను తెరకెక్కించారు దర్శకుడు జ్ఞానవేల్. ఈ సన్నివేశాలన్నీ ఈ సినిమా ట్రైలర్ లో కనిపించింది. తాజాగా విడుదల చేసిన ఈ సినిమా ట్రైలర్ ప్రేక్షకులకు గూస్ బంప్స్ తెప్పిస్తోంది.
ఈ సినిమాలో సూపర్ స్టార్ రజినీ కాంత్ పోలీసు పాత్రలో నటించారు. అమితాబ్ బ‌చ్చన్, మంజు వారియ‌ర్‌, ఫహాద్‌ ఫాజిల్, రానా ద‌గ్గుబాటి, రితికా సింగ్‌, దుషారా విజ‌య‌న్, రోహిణి, అభిరామి వంటి తారాగణం నటిస్తున్నారు. ఓ అమ్మాయిపై అత్యాచారం జరిగిన నిందితుల ఎన్కౌంటర్ నేపథ్యంగా సాగే కథగా ట్రైలర్ స్పష్టం చేసింది. ఈ సినిమాలో ఎన్కౌంటర్ లను ఖండించే న్యాయమూర్తిగా అమితాబ్ కనిపించనున్నారు. న్యాయం ఆలస్యం కావొచ్చు. కానీ కచ్చితంగా బాధితులకు లభిస్తుందనే పంథాలో కనిపించారు. పోలీస్ ఆఫీసర్, న్యాయమూర్తికి జరిగిన పోరాటంలో తప్పు చేసిన వాడికి పోలీసుగా శిక్షించడాన్ని నా నుంచి ఎవరు ఆపలేరు అని బిగ్‌బీకి రజనీకాంత్ సవాల్ విసరడం ట్రైలర్ లో చూడొచ్చు.కాగా, ప్రస్తుతం తీవ్రమైన కడుపునొప్పి కారణంగా సూపర్ స్టార్ రజినీ కాంత్ చెన్నెలోని ఆసుపతిలో చేరగా.. ఆయనకు వైద్యులు శస్త్ర చికిత్స చేసిన సంగతి తెలిసిందే.
