తమిళ స్టార్ హీరో సూప‌ర్‌స్టార్ రజినీకాంత్ జైలర్ సినిమా భారీ విజయాన్ని సొంతం చేసుకున్న సంగతి తెలిసిందే. ఇక ప్రస్తుతం ఆయన వరుస సినిమాలతో ఫుల్ బిజీగా ఉన్నాడు. రజినీకంత్ హీరోగా రానున్న చిత్రం ‘వేట్టయాన్‌’. టీ జే జ్ఞానవేల్ ప్రతిష్టాత్మికంగా ఈ పాన్‌ ఇండియా సినిమాని రూపొందించారు. ప్ర‌ముఖ నిర్మాణ సంస్థ లైకా ప్రొడ‌క్ష‌న్స్ బ్యాన‌ర్‌పై రూపొందుతోన్న భారీ బ‌డ్జెట్ చిత్రం ఇది. లైకా ప్రొడక్షన్ కలయికతో రజినీ కాంత్ నాలుగవ సినిమా కావడం విశేషం. ఈ సినిమాను దసరా కానుకగా వరల్డ్ వైడ్ గా అక్టోబ‌ర్ 10న గ్రాండ్ గా రిలీజ్ చేయడానికి సన్నాహాలు జరుపుతున్నారు మూవీ మేకర్స్. ఈ తరుణంలోనే ‘వేట్టయాన్‌’ గురించి ఓ కీలక అప్ డేట్ వచ్చింది. అది ఏంటో చూసేద్దాం..
ఈ సినిమా ప్రీ రిలీజ్ ఈవెంట్ సెప్టెంబర్ 20న గ్రాండ్ గా జరగనుంది. చెన్నైలోని జవహర్ లాల్ నెహ్రు ఇండోర్ స్టేడియంలో ఈ ఈవెంట్ జరగనుంది. ఈ మేరకు మూవీ టీం సోషల్ మీడియా వేదికగా ఓ పోస్టర్ ను పంచుకుంది. ఈ పోస్ట్ కు వేట్టయాన్‌ వైబ్స్ అనే హ్యాష్ ట్యాగ్ ను జత చేసింది. ఇక ఈ ఈవెంట్ కు బాలీవుడ్ బిగ్ బీ అమితాబ్ బచ్చన్, రానా, ఫహద్ ఫాజిల్ ముఖ్య అతిధులుగా రానున్నారు.
కాగా, ఈ చిత్రంలో అమితాబ్ బచ్చన్, ఫహాద్‌ ఫాజిల్, రానా, మంజు వారియర్‌ కీలక పాత్రలు పోషించారు. సుభాస్కరన్‌ నిర్మిస్తున్న ఈ చిత్రానికి అనిరుద్ మ్యూజిక్ అందించారు. రజనీకాంత్‌ 170వ చిత్రంగా ఈ సినిమా రూపొందింది. ‘జై భీమ్‌’ తరహాలోనే కొన్ని వాస్తవ సంఘటనల్ని ఆధారం చేసుకుని జ్ఞానవేల్ ఈ సినిమాని తెరకెక్కించారు. ఇందులో రజనీ పోలీసు పాత్రలో కనువిందు చేయనున్నారు.
ఇక రజనీకాంత్‌ కథానాయకుడిగా రానున్న మరో చిత్రం కూలీ లోకేశ్‌ కనగరాజ్‌ దర్శకత్వంలో ఈ చిత్రం రానుంది. సన్‌ పిక్చర్స్‌ పతాకంపై కళానిధి మారన్‌ నిర్మిస్తున్నారు.
