యంగ్ రెబల్ స్టార్ ప్రభాస్ అభిమానులకు అక్టోబర్ నెల ఎంతో ప్రత్యేకం.. ఎందుకంటే అక్టోబర్ 23న డార్లింగ్ పుట్టినరోజు. ప్రస్తుతం అభిమాన హీరో బర్త్ డే అంటే రీరిలీజ్ హవానే కొనసాగుతోంది. ప్రభాస్ పుట్టినరోజు సందర్భంగా ఆయన నటించిన పలు చిత్రాలు ఈ ఏడాది అక్టోబర్‌లో రీరిలీజ్ కానున్నాయి. మరి ఈ ఏడాది అక్టోబర్ నెలలో ఆయన ఏ సినిమా రీ రిలీజ్ కాబోతోంది..? మరి ఏ తేదీన మళ్లీ విడుదల చేస్తారనే వివరాలు తెలుసుకుందాం.
టాలీవుడ్ రెబల్ స్టార్ బర్త్ డే సందర్భంగా ఒకటి, రెండు కాదు ఏకంగా నాలుగు సినిమాలు రీరిలీజ్ తో అలరించనున్నాయి. అవేంటో చూసేద్దాం . . కృష్ణవంశీ దర్శకత్వంలో ప్రభాస్ హీరోగా నటించిన సినిమా ‘చక్రం’. ఈ సినిమాలో అసిన్, ఛార్మి హీరోయిన్లుగా నటించారు. ప్రకాష్ రాజ్ కీలక పాత్ర పోషించిన ఈ చిత్రాన్ని అక్టోబర్ 2న రీ-రిలీజ్ చేయనున్నట్టు చిత్ర బృందం తాజాగా అధికారికంగా ప్రకటించింది.
రెబల్ స్టార్ ప్రభాస్ హీరోగా నటించిన మిస్టర్ పర్ఫెక్ట్ చిత్రంలో కాజల్, తాప్సీ కథానాయికలుగా నటించారు. దశరథ్ ఈ చిత్రానికి దర్శకత్వం వహించారు. సూపర్ హిట్ అయినా ఈ చిత్రాన్ని అక్టోబరు 22న సినిమాను మళ్లీ విడుదల చేయనున్నట్టు మేకర్స్ అధికారికంగా ప్రకటించారు. ప్రభాస్ హీరోగా, కాజల్ అగర్వాల్ హీరోయిన్ గా కరుణాకరన్ దర్శకత్వంలో తెరకెక్కిన డార్లింగ్ సినిమా ఎంతటి విజయాన్ని సాధించిందో ప్రత్యేకంగా చెప్పాల్సిన అవసరం లేదు. కాగా, ఈ చిత్రాన్ని అక్టోబర్ 23న రీ-రిలీజ్ చేయనున్నట్టు మేకర్స్ అధికారికంగా ప్రకటించారు.
రెబల్ స్టార్ ప్రభాస్ “ఈశ్వర్” సినిమాతో టాలీవుడ్ వెండితెరకు పరిచయం అయ్యారు. ఈ ఏడాది అక్టోబర్ 23న ప్రభాస్ పుట్టినరోజు సందర్భంగా ఈ చిత్రాన్ని మళ్లీ విడుదల చేయనున్నారు. దీనికి సంబంధించిన అధికారిక ప్రకటన కూడా తాజాగా విడుదలైంది. ప్రభాస్ నటించిన ఈ నాలుగు సినిమాలను ఈ అక్టోబర్‌లో మళ్లీ విడుదల చేయనున్నట్లు అధికారిక ప్రకటనలు వచ్చాయి. మరి ఈ జాబితాలోకి ఇంకెన్ని సినిమాలు చేరుతాయో చూద్దాం.
కాగా, ప్రస్తుతం ప్రభాస్ వరుస సినిమాలతో బిజీగా ఉన్నారు. మారుతీ దర్శకత్వంలో ది రాజా సాబ్ చిత్రంలో నటిస్తున్నాడు. హను రాఘవపూడి దర్శకత్వంలో ఫౌజీ చిత్రంలోనూ నటిస్తున్నాడు. సందీప్ వంగ తో స్పిరిట్ చిత్రం చేయనున్నాడు. సలార్ 2 సినిమా చేయాల్సి ఉంది. ఈ ఏడాది జూన్ లో విడుదలై ప్రకంపనాలు సృష్టించిన కల్కి సినిమా సీక్వెల్ ను డార్లింగ్ పూర్తి చేయాల్సి ఉంది. ఎలా లేదన్నా మూడేళ్లు వరుస సినిమాలతో బిజీగా ఉండనున్నాడు రెబల్ స్టార్. మరి ఈ చిత్రాల నుంచి ఆయన బర్త్ డే స్పెషల్ గా ఏం అనౌన్స్మెంట్ ఇస్తారో వేచి చూడాలి.
