టాలీవుడ్ యంగ్ టైగర్ ఎన్టీఆర్ తాజాగా దేవర సినిమాతో ప్రేక్షకుల ముందుకు వచ్చి అలరించారు. కొరటాల శివ దర్శకత్వంలో రూపొందిన ఈ చిత్రం గత నెల 27వ తేదీన ప్రపంచ వ్యాప్తంగా విడుదలైంది. బాలీవుడ్ భామ జాన్వీ కపూర్ హీరోయిన్ గా, సైఫ్ అలీ ఖాన్ విలన్ గా నటించిన ఈ చితం విడుదలైన మొదటి రోజే మిశ్రమ స్పందన వచ్చింది. కానీ ఆ టాక్ మాత్రం కలెక్షన్స్ పై అసలు పడలేదు. కలెక్షన్ల పరంగా ఈ సినిమా దూసుకుపోతుంది. ఇదే టాక్ టాలీవుడ్ లో మిగతా హీరోపై వస్తే కలెక్షలపై భారీగా ప్రభావం చూపేది. కానీ, జూనియర్ ఎన్టీఆర్ హీరోగా నటించడంతో దేవర కి మాత్రం ఆలా జరగలేదు.
దేవర సక్సెస్ ను ఎంజాయ్ చేస్తూ.. వరుస సినిమాలు చేసేయడానికి సిద్ధం అయ్యారు తారక్. ప్రస్తుతం యంగ్ టైగర్ రెండు సినిమాలలో నటిస్తున్నాడు. అందులో ఒకటి కేజీఎఫ్, సలార్ వంటి సూపర్ హిట్ సినిమాలను తెరకెక్కించిన కన్నడ స్టార్ దర్శకుడు ప్రశాంత్ నీల్ సినిమా. మరొకటి బాలీవుడ్ సినిమా వార్ – 2. ఈ సినిమాతోనే బాలీవుడ్ వెండితెరకు ఎంట్రీ ఇవ్వనున్నాడు తారక్. ప్రస్తుతం వార్ -2 షూట్ శరవేగంగా జరుగుతుంది. తారక్ లేని సీన్స్ ను చిత్రీకరిస్తున్నారు. ఈ సినిమా నుంచి ఓ క్రేజీ అప్ డేట్ వచ్చేసింది. అదేంటో చూసేద్దాం..
మొన్నటి వరకు ఎవరి నోట చూసిన దేవర వినిపించేది. ఆ సినిమా విడుదల కావడం.. హిట్ సాధించడం జరిగింది. ఇప్పడు తమ అభిమాన హీరో ఏ నెక్స్ట్ ఏ సినిమా షూటింగ్ లో పాల్గొననున్నాడు అనే ఆలోచన ఫ్యాన్స్ కి . ఫ్యాన్స్ కి జోష్ ఇస్తూ వార్ 2 నుంచి అప్ డేట్ వచ్చింది. ఈ అక్టోబరు రెండవ వారంలో భారీ బడ్జెట్ సినిమాలో తారక్ జాయిన్ అవుతాడని బాలీవుడ్ వర్గాలు తెలిపాయి. హృతిక్, ఎన్టీఆర్ మధ్య వచ్చే సన్నివేశాలు ఓ రేంజ్ లో ఉంటాయని యూనిట్ వర్గాల సమాచారం. అలాగే ఈ చిత్రంలో హృతిక్ రోషన్, యంగ్ టైగర్ కాంబోలో ఓ గ్రాండ్ సాంగ్ ఉంటుందని ఆ సాంగ్ లోని డాన్స్ సినిమాకే హైలైట్ గా నిలుస్తుందని తెలుస్తుంది. అసలే డాన్స్ లాతొ అదరగొట్టే ఈ హీరోలు ఒకేఫ్రేమ్ లో నాట్యం ఆడితే ఫాన్స్ కు అదొక విజువల్ ట్రేట్ లా ఉండబోతుంది అని చెప్పడంలో సందేహమే లేదు.
