నేచురల్ స్టార్ నాని నటించిన దసరా, హాయ్ నాన్న సినిమాలతో భారీ విజయాన్ని అందుకున్నాడు. అంతే కాక ఈ సినిమాలతో ఫిల్మ్ ఫేర్ బెస్ట్ డెబ్యూ డైరక్టర్లుగా అవార్డులుఅందుకున్నారు దర్శకులు. దసరా చిత్రంలో తన అద్భుత నటనకు ఉత్తమ నటుడిగా అవార్డు పొందారు. కాగా, ఇప్పుడు నాని ప్రస్తుతం వరుస సినిమాలతో బిజీగా ఉన్నాడు.
వివేక్ ఆత్రేయ దర్శకత్వంలో ‘సరిపోదా శనివారం’ భారీ యాక్షన్ చిత్రంతో ప్రేక్షకులను అలరించడానికి సిద్ధం అయ్యారు నేచురల్ స్టార్. ఈ చిత్రం నుంచి ఇటీవల విడుదలైన ట్రైలర్ సినిమాపై భారీ అంచనాలను నెలకొల్పింది. ఈ చిత్రాన్ని ఆగష్టు 29న గ్రాండ్ గా విడుదల చేయడానికి సిద్ధం అయ్యారు మూవీ మేకర్స్. ఈ సందర్భంగా ఇప్పటికే ప్రమోషన్స్ లో జోరు పెంచేశారు. కాగా, ఆగస్టు 15న ఇండిపెండెన్స్ డే సందర్భంగా యూసఫ్ గూడ ఫస్ట్ బెటాలియన్ పోలీసులతో సరదగా ముచ్చటించారు. పోలీసుల అడిగిన ప్రశ్నలకు తనదైన శైలిలో సమాధానాలు ఇచ్చాడు నాని.
ఇందులో భాగంగా ఓ న్యూస్ ఛానల్ యాంకర్ నానిని ‘మీరు ఇప్పటి వరకు క్లాస్, మాస్ సినిమాలు చాలా చేసారు. సరిపోదా శనివారం సినిమాలో విలన్ పోలీసు పాత్రలో కనిపించనున్నారు. మరి మీ నుంచి మేము హీరోగా పోలీసు క్యారెక్టర్ లో ఎప్పుడు కనిపిస్తారు అని అడిగారు ఈ ప్రశ్నకు సమాధానం ఇస్తూ నాని అప్ కమింగ్ సినిమా అప్ డేట్ ఇచ్చాడు. నాని మాట్లాడుతూ ‘ఈ నెల 29న నా సరిపోదా శనివారం విడుదల అవుతుంది. ఆ సినిమా రిలీజ్ అయినా సరిగ్గా 4 లేదా 5 రోజుల తర్వాత నా నెక్ట్స్ సినిమా అనౌన్స్ మెంట్ చేద్దాం అని అంతా రెడీ చేసాను. కాని ఇప్పుడు ఇంత కంటే మంచి సందర్భం రాదు, నా తదుపరి సినిమాలో నేను పోలీస్ గా చేయనున్నాను’ అని తెలిపాడు. HIT ఫ్రాంచైజ్ లో భాగంగా HIT -3 లో శైలేష్ కొలను దర్శకత్వంలో నటిస్తున్నాడు నాని.
