గ్లోబల్ స్టార్ ప్రభాస్ క్రేజ్ బాహుబలి సినిమా తరువాత అమాంతం పెరిగిపోయింది. బాహుబలి అన్నీ పాన్ ఇండియా లెవెల్ సినిమాలే చేస్తున్నాడు ప్రభాస్. ఆదిపురుష్, రాధే శ్యామ్ అనుకున్నంత విజయం సాధించినప్పటికీ సలార్ సినిమాతో సూపర్ హిట్ ను తన ఖాతాలో వేసుకున్నాడు రెబల్ స్టార్. ఇటీవల నాగ్ అశ్విన్ దర్శకత్వంలో ప్రభాస్ హీరోగా వచ్చిన కల్కి సినిమా ఎంతటి విజయాన్ని సాధించిందో ప్రత్యేకంగా చెప్పాల్సిన అవసరం లేదు. అదే ఉత్సాహంతో చాలా సినిమాలను ప్రభాస్ లైన్లో పెట్టారు. ఇలా లైనప్‌లో ఉన్న సినిమాలలో ప్రత్యేకంగా ఉన్న చిత్రం ‘స్పిరిట్’. అర్జున్ రెడ్డి, అనిమల్ సినిమాలకు దర్శకత్వం వహించిన సందీప్ రెడ్డి వంగా ఈ చిత్రానికి దర్శకత్వం వహించడంతో ఈ సినిమాపై భారీ అంచనాలే నెలకొన్నాయి. ఈ సినిమా భారీ బడ్జెట్ తో రూపొందుతున్నట్లు తెలుస్తోంది. ప్రస్తుతం స్క్రిప్ట్ పనుల్లో ఉన్న ఈ సినిమా నుంచి ఓ అదిరిపోయే న్యూస్ నెట్టింట చక్కర్లు కొడుతోంది.
ప్రభాస్ హీరోగా సందీప్ వంగ దర్శకత్వంలో రానున్న స్పిరిట్ చిత్రంలో మలయాళ మెగాస్టార్ మమ్ముట్టి ఓ కీలక పాత్రలో కనిపించబోతున్నట్లు టాక్ నడుస్తోంది. ఇప్పటికే ఈ సినిమాలో బాలీవుడ్ స్టార్ కపుల్ సైఫ్ అలీఖాన్ – కరీనా కపూర్ సినిమాలో నటిస్తున్నారని వార్తలు వచ్చాయి. ఇప్పుడు మెగాస్టార్ మమ్ముట్టి పేరు కూడా వినిపిస్తోంది.మరి ఈ వార్తల్లో ఎంత నిజం ఉందో తెలియాలి అంటే అధికారిక ప్రకటన వచ్చే వరకు ఆగాల్సిందే.
కాగా, ఈ సినిమా షూటింగ్ వచ్చే ఏడాది ప్రారంభం కానుంది. ‘స్పిరిట్’ కథాంశం చాలా కొత్తగా ఉంటుందని మేకర్స్ చెబుతున్నారు.. సందీప్ రెడ్డి వంగా నుంచి మరో వినూత్న సినిమా రాబోతుందని అంటున్నారు. అలాగే, సందీప్ రెడ్డి వంగా మార్క్ యాక్షన్ సీన్స్ అండ్ వైల్డ్ ఎలిమెంట్స్ సినిమాలో పుష్కలంగా ఉంటాయని తెలుస్తోంది. దాదాపు రూ.400 కోట్లకు పైగా బడ్జెట్ తో ఈ సినిమాను తెరకెక్కి్స్తున్నారు మేకర్స్. హర్షవర్ధన్ రామేశ్వర్ సంగీతం అందిస్తున్న ఈ చిత్రాన్ని టి-సిరీస్, భద్రకాళి పిక్చర్స్ నిర్మిస్తున్నాయి. ప్రస్తుతం ప్రభాస్ మారుతీ దర్శకత్వంలో ది రాజా సాబ్ చిత్రంలో, హను రాఘవపూడి దర్శకత్వంలో ఫౌజీ చిత్రంలోనూ నటిస్తున్నాడు.
