దర్శకుడు కొరటాల శివ ప్రతిష్టాత్మికంగా రూపొందించిన చిత్రం ‘దేవర’. టాలీవుడ్ యంగ్ టైగర్ ఎన్టీఆర్, బాలీవుడ్ భామ జాన్వీ కపూర్ జంటగా ఈ సినిమాలో నటిస్తున్నారు. సైఫ్ అలీ ఖాన్ విల్లన్ పాత్ర చేస్తున్నారు. రెండు భాగాలుగా రూపొందుతున్న దేవర ను వరల్డ్ వైడ్ గా ఈ సెప్టెంబర్ 27న ప్రేక్షకులకు అందించనున్నారు. కొరటాల ఆచార్య వంటి డిజాస్టర్ ను చవిచూసిన తరువాత ఎంతో ప్రత్యేకంగా దేవరను రూపొందించగా.. ఎన్టీఆర్ సోలోగా స్క్రీన్ పై కనిపించి దాదాపు ఆరేళ్ళు అవ్వడంతో ఈ చిత్రం అటు కొరటాలకు ఇటు ఎన్టీఆర్ కు ఎంతో కీలకం అని చెప్పవచ్చు. సినిమా విడుదల సమయం దగ్గర అవ్వడంతో ప్రమోషన్స్ జోరందుకున్నాయి.
ఈ నేపథ్యంలో దర్శకుడు కొరటాల శివ తిరుమల శ్రీవారిని ఈరోజు సతీసమేతంగా దర్శించుకున్నారు. దర్శనానికి వారు మెట్లెక్కి వెళ్లడం విశేషంగా మారింది. ఆయన వెళ్తున్న సమయంలో మెట్లపై కొంతమంది తీసిన వీడియోలు సోషల్ మీడియాలో వైరల్ గా మారాయి. మెగాస్టార్ చిరంజీవి హీరోగా రామ్ చరణ్ కీలక పాత్రలో నటించిన చిత్రం ఆచార్య. కొరటాల శివ దర్శకత్వం వహించిన ఈ సినిమా 2022 ప్రేక్షకుల ముందుకు రాగా ఆ సినిమా పెద్ద డిజాస్టర్ టాక్ తెచ్చుకుంది. దీంతో దాదాపు రెండేళ్ల తర్వాత కొరటాల రూపొందించిన పాన్ ఇండియా మూవీ దేవర ఆయనకు ఎంతో కీలకంగా మారింది. ఈ నెల 27న ఆ మూవీ విడుదల కానుంది. ఈ నేపథ్యంలోనే సక్సెస్ను కోరుతూ ఆయన మొక్కు చెల్లించుకున్నట్లు తెలుస్తోంది.
కాగా, ఇప్పటికే దేవర సినిమా నుంచి విడుదలైన పాటలు సూపర్ రెస్పాన్స్ తో దూసుకుపోతున్నాయి. తాజాగా విడుదలైన దేవర ట్రైలర్ సునామి సృష్టిస్తోంది. ఈ సినిమా నుంచి అభిమానులు ఎంతో ఆశగా చూస్తోంది ఆయుధ పూజ సాంగ్ కోసం. ముందుగా సెప్టెంబర్ 19న ఈ పాటను విడుదల చేద్దామనుకున్నారు మేకర్స్. పలు కారణాల వల్ల వాయిదా పడిన ఈ పాటను త్వరలోనే రిలీజ్ చేయనున్నారు.
