టాలీవుడ్ గ్లోబల్ స్టార్ రామ్‌చరణ్‌ హీరోగా తెరకెక్కుతున్న చిత్రం గేమ్‌ ఛేంజర్‌. చెర్రీ స్క్రీన్ పై కనిపించి దాదాపు రెండేళ్లు అవ్వడంతో ఈ సినిమాపై భారీ అంచనాలు నెలకొన్నాయి. ఈ సినిమాకి శంకర్ దర్శకత్వం వహిస్తున్నారు. ఇప్పటి వరకు ఆయన డైరెక్ట్ గా తెలుగులో సినిమా చేయలేదు. గేమ్‌ ఛేంజర్‌.సినిమాతో తెలుగులో తన డెబ్యూ మూవీ చేస్తున్నారు శంకర్. డెబ్యూ మూవీ కావడంతో ఎంతో ప్రతిష్టాత్మకంగా రూపొందిస్తున్నారు. ఈ సినిమాను శ్రీ వెంక‌టేశ్వర క్రియేష‌న్స్ బ్యాన‌ర్‌పై దిల్‌రాజు, శిరీష్‌ సంయుక్తంగా అత్యంత భారీ బడ్జెట్‌తో నిర్మిస్తున్నారు. గేమ్‌ ఛేంజర్‌.కు తమన్ మ్యూజిక్ డైరెక్టర్ గా వ్యవహరిస్తున్నారు కాగా, ఈ సినిమా చిత్రీకరణ చివరి దశలో ఉన్నట్లు సమాచారం. ఇటీవల ఈ చిత్రంలోని ‘రా మచ్చా మచ్చా’.పాటని మూవీ టీమ్ విడుదల చేయగా.. ప్రస్తుతం సోషల్ మీడియాలో ఈ పాట వైరల్ అవుతోంది. తాజాగా ఈ సినిమా గురించి ఓ క్రేజీ అప్ డేట్ తెలిపారు తమన్. మరి ఆ అప్ డేట్ ఏంటో చూసేద్దాం రండి..
గేమ్‌ ఛేంజర్‌ సినిమా గురించి మెగా అభిమానులు ఎంత ఆతృతగా ఎదురు చూస్తున్నారో తెలిసిన విషయమే. ఈ సినిమా గురించి ఏ చిన్న అప్ డేట్ వచ్చిన అభిమానులకు పెద్ద పండుగే. వారికి ఇప్పుడు కిక్కిచ్చే న్యూస్ చెప్పారు తమన్. గేమ్‌ ఛేంజర్‌ టీజర్ ను దసరా కానుకగా విడుదల చేయనున్నట్లు తెలిపారు. ఈ మేరకు సోషల్ మీడియాలో పోస్ట్ చేశారు. దీంతో మెగా అభిమానులు ఫుల్ ఖుషీగా ఉన్నారు. RRR సినిమా తరువాత చరణ్ సోలోగా వస్తున్న ఈ సినిమాపై భారీ అంచనాలే నెలకొన్నాయి. ఈ మూవీలో చరణ్ ద్విపాత్రాభినయంతో అలరించనున్నారు.
శంకర్ దర్శకత్వంలో రూపొందిన గేమ్‌ ఛేంజర్‌ క్రిస్మస్‌ సందర్భంగా పాన్‌ ఇండియా స్థాయిలో ప్రేక్షకుల ముందుకురానుంది. ఈ చిత్రంలో రామ్‌చరణ్‌ సరసన కియారా అద్వానీ హీరోయిన్ గా నటిస్తోంది. అంజలి, ఎస్‌జే సూర్య, శ్రీకాంత్‌, జయరామ్‌, నవీన్‌చంద్ర, ప్రకాశ్‌రాజ్‌తో పాటు పలువురు కీలక ప్రాతల్లో నటిస్తున్నారు. తెలుగు, తమిళం, హిందీ భాషల్లోఈ చిత్రాన్ని 2024 డిసెంబర్ 20న గ్రాండ్ గా విడుదల చేయడానికి మూవీ మేకర్స్ సిద్ధం అయ్యారు.
